ភ្នំពេញ៖ លោកយាយម្នាក់ដែលជាមនុស្សវង្វេង បានរស់នៅក្នុងបន្ទប់ជួលដែលមានក្លិនស្អុយចេញពីសាកសពចៅដែលបានស្លាប់រហូតដល់មានក្លិនស្អុយរលួយ បង្កការភ្ញាក់ផ្អើលដល់ពលរដ្ឋនៅក្បែរបន្ទប់នោះនៅវេលាម៉ោង១២ថ្ងៃត្រង់ ថ្ងៃទី២៣ ខែកុម្ភៈ ឆ្នាំ២០២៣។
ក្រោយពីពលរដ្ឋនៅក្បែរនោះធុំក្លិនស្អុយ ក៏បានប្រទះឃើញមានសាកសពបុរសម្នាក់បានដេកស្លាប់នៅលើគ្រែ ដោយមានជីដូនចាស់ម្នាក់រស់នៅក្នុងបន្ទប់នោះផងដែរ។ ហេតុការណ៍នេះបានកើតឡើងនៅចំណុចបន្ទប់ផ្ទះជួលមួយកន្លែង ស្ថិតនៅផ្លូវលំ ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ។
តែយ៉ាងណាគេមិនទាន់ដឹងថា បុរសម្នាក់នោះស្លាប់ដោយសារអ្វីនៅឡើយទេ ប៉ុន្តែតាមការសន្និដ្ឋានបឋម បុរសនោះបានស្លាប់នៅប៉ុន្មានថ្ងៃកន្លងមកហើយ៕
ប្រភព: បណ្តាញសង្គម
